දිනුම
වතුර නැති තැන දුකට හැදුනට පතොක් මල හරි ලස්සනයි දුක දිනන් හිනැහෙනා උන්ගේ ජීවිතත් හරි ලස්සනයි සියොළඟම කටු රිදුම් දුනමුත් දරාගත් කාලය දුරයි උහුලාගෙන දුක නැඟී උන් තැන දිනුම පෙනෙනා ඉම ළඟයි....
Posts
වියට්නාමයේ ඉදි වූ රන් පාලම
2018 විවෘත වූ වියට්නාමයේ රන් පාලම සංචාරක සිත් ඇඳ බැඳ ගන්නා විස්මිත ස්ථානයකි. වියට්නාම් භාෂාවෙන් ‘කෞ වැන්ග්’ ලෙස ව්යවහාර වන්නේ ‘රන් පාලම’ යන අර්ථයයි. 2017 දී ඉදි කිරීම ආරම්භ කළ මෙහි එක් වර්ෂයක් තුල සියලු ඉදි කිරීම් අවසන් කිරීමට හැකි විය. කෞ වැන්ග් පාලම පිහිටා ඇත්තේ වියට්නාමයේ ඩැනෑන්ග් හී ‘බා නා’ නම් කඳුකරයේ ය. මුහුදු මට්ටමින් මීටර් 1414 ක් උසින් පවතින මෙහි පහල සම්පූර්ණයෙන් දර්ශනය වන්නේ කොල පැහැ සාර භූමියකි. කෞ වැන්ග් පාලමේ විශේෂත්වය වන්නේ එම පාලම විසල් අත් දෙකකින් දරා සිටින ලෙස සැකසීමයි. මෙහි නිර්මාතෘ වන්නේ වූ වියට් අන් නම් නිර්මාපකයා ය. පාලම සම්පූර්ණයෙන් ස්වභාවික කිරීම සඳහා ඇවිදින කොටස දෙපස දම් පැහැ මල් වලින් සරසා ඇත. මෙම දැවැන්ත අත් යුග්මය නිර්මාණය කර ඇත්තේ එම කඳුකරයේ වෙසෙනා දෙවියන් සිහි කිරීමට ය. ඒ අනුව මෙම දෙඅත් ‘දෙවියන්ගේ අත්’ ලෙස වියට්නාම් ජාතිකයන් අදහනු ලබයි. මේ වන විට මෙම ස්ථානය වරකට නැරඹීමට පැමිණෙන පිරිස දහස ඉක්මවයි. මේ ආසන්නයේ සංචාරක ආකර්ෂණය වැඩි කරලනු පිණිස හෝටල්, දේවස්ථාන, මල් වතු හා ඉටි කෞතුකාගාරයක් පවතියි.
අකුණු ගහන විදුලි කොටන කතා පුවත සිත කළඹන
අකුණු ගහනවා දැක ඇති මුත් අකුණෙහි ගැඹුරු කතාව ගැන ඔබ ඇතැම්විට නොදන්නවා වන්නටත් පුළුවනි. වායු ගෝලයේ ඇතිවන විද්යුත් විසර්ජනයක් නිසා අකුණු සිදුවන බව සරලම සත්යයයි. අකුණු ගැසීමේදී ඇතිවන විදුලි කෙටීම නිසා අකුණක් හදිසියේ ඇති වී නැති වී යන ආලෝකයක් විදියට දිස්වෙයි. බොහෝදුරට අපට අකුණක් සමඟ මහත් ශබ්දයක් ඇසෙයි. අකුණු ගැසීම ඇති වන්නේ වායු ගෝලයෙහි සිදුවන විද්යුත් විසර්ජනයක් නිසා බව මුල් වරට ලෝකයට පෙන්වා දුන්නේ බෙන්ජමින් ෆ්රැක්ලීන් විසිනුයි. ඒ වසර 1752දී. වැසි කුණාටු සහිත කාලගුණයක් පවතින විටෙක පොළොව මතුපිට ද වායු ගෝලයෙහිද විද්යුත් ස්වභාවය සාමාන්යයෙන් පවතිනවාට වඩා වෙනස් වෙනවා. මෙවිට වලාකුළුවල ඇති ධන ආරෝපණය වර්ධනය වී අති විශාල විද්යුත් ශක්තියක් රැස් කරගන්නවා. වලාකුළුවල ඇති ආරෝපණය හේතුවෙන් පොළොව මතුපිටද ආරෝපණයක් ඇති වෙනවා. මේ අවස්ථාවේදී ඒ ආරෝපණ දෙක අතර ඇති වාතයේ පරිවරණ ශක්තිය බිඳ වැටීමෙන් ඒවා අතර විද්යුත් විසර්ජනයක් ඇති කරනවා. මෙහිදී විශාල ගිනි දලුවක් නිකුත් වෙනවා. ක්ෂණික දීප්තිමත් ආලෝකයක් විදියට අප දකින්නේ එයයි. විදුලි කෙටීමක් විදියට අප හඳුන්වන්නේ මේ සංසිද්ධියයි. විදුලි සැරය ගමන් කරන මාර්ගය ඔස...
කොටස් අහිමි පිළිම නෙළන අපූරු මිනිසා
ලෝකයේ බෲනෝ කැටලානෝ පිළිගනුයේ අපූරු ප්රතිමා නෙළන මූර්ති ශිල්පියෙකු ලෙසයි. මොහු උපතින් ප්රංශ ජාතිකයෙකි. බෲනෝ මෙතෙක් නෙලූ පිලිම තුළ අපූර්වත්වයක් ඇත. ඒ එම පිළිම තුළ අත්යවශ්ය කොටස් අහිමි වීම හේතුවෙනි. බෲනෝගේ කුඩා කාලය ගෙවී ගොස් ඇත්තේ මොරොක්කෝවේ ය. සිසිලි ජාතික පවුලක තෙවන එහෙත් අවසන් දරුවා ලෙස මොහු උපත ලැබී ය. 1970 දී කැටලානෝ පවුල මොරෙක්කෝවෙන් නික්මී ප්රංශය බලා ගිය හ. 1982 දී බෲනෝ නාවිකයෙකු ලෙස සේවය කිරීම ආරම්භ කළ අතර 1986 දී ඔහු එම වෘත්තිය අත් හළේ ය. ඉන් අනතුරුව ඔහු ස්ව කැමැත්තෙන් ප්රතිමා නෙළීම ආරම්භ කළේ ය. 2004 දී ඔහු විසින් නෙළූ 'සයිරානෝගේ ප්රතිමාව' තුළ ලයක් නොවිණ. කෙසේවෙතත් එය ලොවේ ඉමහත් ජනාදරයට පත්වීමට ගත වූයේ ඉතා කෙටිකලකි. 2013 සැප්තැම්බරයේ දී ඔහු විසින් මාර්සේල්ස් හි මේ ආකාරයේ ම අමුතු ප්රතිමා 10 ක් නෙළීය. ලොවේ අන් නොවූ විරූ ප්රතිමා නෙලීමේ නියැලෙන කැටලානෝ මේ වන විට ලෝකඩ මගින් අමුතු ප්රතිමා නෙලීම සිදු කරමින් ප්රංශයේ ජීවත්වේ.
ජපානයේ අරුම පුදුම රෝල් කෝස්ටර් පාලම
ජපානයේ අරුම පුදුම එෂිමා ඔහාෂි පාලම යනු ජපානයේ සංචාරය කර ඇති ඕනෑම කෙනෙකු මැනවින් හඳුනන මහා මාර්ගයකි. සාමාන්යයෙන් මහා මාර්ගයක් සාදනුයේ ගමනාගමනය පහසු කිරීමට වුව ද මේ මාර්ගයේ ගමන් කිරීම නම් එතරම් පහසු නැත. මේ ඒ අරුම පුදුම මාවතේ රස බර තොරතුරු ය. මෙම ඔහාෂි පාලම හඳුන්වන අපූරු නමක් ඇත. ඒ ‘Roller Coaster Bridge’ යන නාමයයි. මන්ද මෙහි වාහනයකින් ගමන්කිරීම සැබැවින් ම රෝල් කෝස්ටර් එකක් මත නැඟී යනවා හා සමාන බැවිනි. මෙහි උස පමණක් කිලෝමීටර් 1.5 කි. මාර්ගයේ ආනත තලය පොළවට ලම්බක වේ. මේ අපූරු මාර්ගය නිමවූයේ ඩයිට්සු ජපන් වාහන නිෂ්පාදකයින් විසින් ප්රවර්ධනය කළ ටැන්ටෝ නම් දිගු වාහනය ප්රචාරණය කිරීම සඳහා සැකසූ පසුතලයක් ලෙසයි. ප්රචාරණයෙන් අනතුරුව වාහනය පසෙකලා ප්රේක්ෂකයන්ගේ නොමඳ ආකර්ෂණය දිනා ගනු ලැබුවේ මෙම මහා මාර්ගයයි. ඒ අනුව සංචාරකයන් පවා වැල නොකැඩී පැමිණි අතර ඔවුන් සඳහා විශේෂ පහසුකම් සැළසීමට අවට ප්රදේශ වලට සිදුවිය. මේ වන විට එම මාර්ගය යථාර්ථයක් වී ඇති අතර සංචාරකයන් හට අවට දර්ශන බැලීම සඳහා ඇවිදීමට සුදුසු කොටසක් ද නිමා කර ඇත. උපුටා ගැනීම ලක්බි...
කොළඹට නම දුන් කොළ අඹ ගස
කොළඹ ශි්ර ලංකාවේ වාණිජ අගනගරය වුවද එහි අතිශය පැරණි ඉතිහාසය ගැන තොරතුරු සොයාගැනීම උගටහය. එනාසාම කොළඹ යන වචනයේ උපත සිදුවූයේ කෙසේද යන්න පිළිබඳව නිශ්චිත තොරතුැර නැත.බුදු රජාණන් වහන්සේගේ ලංකා ගමනය ගැන සඳහන් තොරතුරුවල කොළඹට නුදුරෙන් වූ කැළණිය ගැන සඳහන් වුවද කොළඹ ගැන සඳහන් නොවේ.එකල කොළඹ ප්රදේශය ජන ශුන්ය ප්රදේශයක් වන්නට ඇති බව සිතිය හැකිය. කොළඹ ගැන සඳහන්ව ඇති පැරණිම වාර්තාව කි්ර.ව.1330 තරම් ඈත අතීතයට අයත්ය.එම වසරේදි මෙරටට පැමිණි චීන ජාතිකයකු වූ ච- චෑන්- ටා -යූ වොන් ඔහුගේ ගමන් වාර්තාවල කා ඕ- ලන් -පූ ලෙස සඳහන් කර තිබේ.මෙහි කා ඕ -ලන් -පූ යනු කොළඹ ප්රදේශය බව විශ්වාස කෙරේ.චීන භාෂාවෙන් කා ඕ- ලන් -පූ යනු නිසරු පහත් බිමට යෙදෙන නමකි. මේ ඓතිහාසික වාර්තාවලින් පසු කොළඹ ගැන පිළිගත් තොරතුරු වාර්තා වන්නේ රොබට් නොක්ස් ගේ ලංකාව පිළිබඳ සටහන්වලය.කොළඹ වදනේ පුනරුක්තිය ගැන දීර්ග විස්තරයක් කරන රොබට් නොක්ස් මෙසේ සඳහන් කරයි. ”කොළඹ නගරයට බටහිර දිග්භාගයේ ස්වදේශිකයන් අඹ ගස නමින් හඳුන්වන ගසක් තිබේ.අඹ ගසේ සාමාන්යයෙන් අඹ ඵල හට ගැනුනත් මේ ගසේ ඇත්තේ කොළ පමණක් නිසා ගස ”කොළ- අඹ ” යන නමින් හැඳින් වූ අතර කි්...
"බල්ලන්ගේ සොහොන" ශ්රී ලංකාවේ ඒ අද්භූත ස්ථානය ගැන දන්නවාද ?
බල්ලන්ට බලල්ලුන්ට ආදරේ කරන අය ලෝකෙ ඕන තරං ඉන්නවා.සමහරු පනටත් වඩා තමන්ගෙ හුරතලාට ආදරෙයි.එහෙම මිනිස්සු ලෝකෙ ඉන්නෙ අදක ඊයෙකෙ ඉඳලා නෙමෙයි.මේ වගේ ආදර නටඹුන් ලෝකෙ ඉතිහාසෙ සමහර තැන්වල තියෙනවා. ඒව අද වෙන කොට ලෝක ප්රකට වෙලා,මිනිස්සු බලන්න එන යන තැන් වෙලා. ඒ වගේම මිනිස්සු සත්තුන්ට සලකන්නෙ ආදරේ නිසාම නෙමෙයි. ඇත්තටම සමහර විට මේ සත්තු මිනිස්සුන්ට සේවය කරනවා.සමහර විට ඒ සේවය කරනවාය කියන වචනෙ ඒ සේවයට නොතරම් වෙන්න පුලුවන් .ඒ නිසා අපි කියන්නෙ ඒක සේවය කිරීමක්ම නෙමෙයි. මේ සත්තු අපිට කරන්න බැරි හරිය කරලා දෙනවා.ඒකයි ඇත්තම කතාව. මේක අපි හිතන විදියට එහෙම සිදුවීමකට නෑදෑකම් කියන කතාවක්. හැබැයි මේක මේ සත්තු ගැන කතාවක් නං නෙමේ.සත්තුන්ට අදාළ වෙනමම කතාවක්. මේ කතාවෙ ඉතිහාසය අවුරුදු තුන්සිය අනූහතක් විතර පරණයි.වෙන විදියකට කියනවා නම් මේ ස්ථානය නිර්මාණය වෙලා තියෙන්නෙ එක්දහස් නමසිය හතලිස් තුනේ.එහෙම කිව්වම ඔබට තේරෙනවා මේ කියන්න යන්නෙ යටත් විජිත කාළෙ කතාවක් ය කියලා. "ඔව්, ඇත්තටම මේක යටත් විජිත අතීතියක කතාවක් තමයි...." යටත් විජිත කිව්වම මේ කියන්නෙ එක්දහස් හයසිය විසිතුන නම් පෘතුගීසි යුගය. කතාවක්.මේ ඉතිහාසයේ නිශ්...